“Pussy Riot” lanson këngë të frymëzuar nga protestat e “Black Lives Matter”

“Pussy Riot” ka lëshuar një këngë të re, e quajtur “Riot”, e frymëzuar nga protestat e “Black Lives Matter”, që vazhdojnë të zhvillohen në qytete në të gjithë botën. Gjithashtu raportohet së është frymëzuar edhe nga arrestimi i fundit i një anëtari të Pussy Riot - Peter Verzilov, shkruan “Dazed and Digital”.

Muajin e kaluar (21 qershor) Verzilovi u arrestua dhe u mor në pyetje për përfshirjen e tij të pretenduar në trazirat e Moskës në vitin 2019 dhe përfundimisht u dënua me 15 ditë burg për “sharje”, transmeton “Zeri”.

Një deklaratë nga Pussy Riot, e lëshuar pas ngritjes së akuzave, thotë se Verzilovi u mbajt në burg vetëm “për ta penguar atë të bënte ndonjë veprim arti si aktivist brenda javëve të ardhshme” (konkretisht ditët që çojnë deri në votimin e 1 korrikut, që do të lejonin Vladimir Putinin të qëndrojë në pushtet deri në vitin 2036).

Në “Riot” “Pussy Riot” këndojnë: “Po, seksi është i shkëlqyeshëm, por a e ke provuar ndonjëherë me sistemin?”. Tekstet gjithashtu merren me ankthin që lind nga policia, politikanët dhe fashizmi në rritje, shkruan “Dazed”.

Kohët e fundit (29 maj) grupi gjithashtu ndau këngën “1312”, e cila merret me brutalitetin e policisë dhe arriti së bashku me performancën bashkëpunuese të një “Manifesti kundër dhunës së Policisë”.

Fotografitë e shpërndara në mediat sociale të grupit treguan se anëtarët po merrnin pjesë në një protestë në LA pas vrasjes së George Floydit, raporton “Zeri.info”.