Infektuar: 4715
Shëruar: 2227
Vdekur: 101
“Më përndiqte nga puna e deri në shtëpi”, Luana Vjollca kallëzon të riun në polici

“Më përndiqte nga puna e deri në shtëpi”, Luana Vjollca kallëzon të riun në polici

Showbiz May 31, 2020 - 16:49

Moderatorja shqiptare Luana Vjollca denoncon për përndjekje një 28-vjeçar.

Bukuroshja e ekranit shqiptar, ka denocuar të riun nga Kosova, të identifikuar si A.Morina, për të cilin shprehet se e ndiqte këmba-këmbës, në punë dhe në shtëpi.

Moderatorja, mësohet se ka deklaruar para efektivëve se 28-vjeçari ka nisur ta ndjekë që në muajin shkurt të këtij vitit,  në ambientet e punës në televizion si dhe në banesën e saj private në zonën e Kodrës së Diellit por edhe duke tentuar pa reshtur që të komunikojë me të.

Pas dy muajsh ajo e ka konsideruar të arsyeshme të bëjë një denoncim në komisariatin nr. 1 në Tiranë.

Tashmë Morina është shpallur në kërkim dhe pritet që të bëhet shoqërimi i tij, për t’i marrë deklaratën.

Kjo nuk është hera e parë që Luana Vjollca përballet me fansa këmbëngulës.

Tre vite më parë, prezantuesja e njohur është bërë pjesë e një konflikti midis të dashurit të saj dhe shtetasit Besmir Lila, që e përndiqte prej kohësh/noa.al