“Pasanikët e Instagram-it” – Media britanike liston edhe një shqiptar në mesin e të rinjëve

Fëmijët e pasur të Instagramit vazhdojnë ta shijojnë jetën e tyre mes udhëtimeve luksoze dhe pushimeve përrallore.

“Daily mail” u ka kushtuar një artikull fëmijëve të pasur të Instagramit, të cilët janë krejtësisht indiferentë ndaj pjesës tjetër të botës, e cila lutet që ndoshta dimri të mbarojë sa më shpejt dhe të largohen shirat.

Për ta, vera është vetëm një biletë larg. Mirëpo mes fëmijëve të publikuar nga media britanike është edhe një shqiptar.

“Daily mail”, e përshkruan shqiptarin e identifikuar si Tur Kasa, si një djalë të ri që e jeton jetën mes luksit dhe shampanjave.

Media në fjalë ka publikuar një foto të Kasës, i cili shihet brenda një bishe luksoze e llojit “Rolls and Royce”. Krah ulëses së tij është edhe një shishe shampanjë, “Dom Perignon”, e cila është një nga më të shtrenjtat.