Me një foto shpërthen 'Instagram'-in (FOTO)
Sol Perezin shumica e konsiderojnë si njërën nga prezantuesen më seksi të motit në botë, ndërsa argjentinasja seksi tani “ka tronditur” publikun me tatuazhin e saj të ri. Ajo pikërisht me këtë tatuazh është mburrur në “Instagram”, rrjet social ky ku ajo konsiderohet si një yll i vërtetë, pasi ndiqet nga mbi 4 milionë fansa, ndërsa kjo fotografi ku ajo shihet e veshur vetëm në brekë tango ka marrë më shumë se 500 mijë pëlqime, shkruan gazeta "Zëri".
Dhe Perez ka bërë tatuazh fjalinë "Fuck Your Opinion" menjëherë nën prapanicën e saj të bukur dhe seksi, ndërsa këtë foto e ka përshkruar me një koment të thjeshtë: “E dua tatuazhin tim”. Dhe publikimi i biondes 25-vjeçare ka nxitur reagime të bujshme, edhe pse në komente janë dalluar meshkujt e magjepsur me bukuroshen. “Ky trup është për tatuazhe njëjtë sikurse një plato për Pikason, “Mjeshtri i tatuazheve me siguri se është kënaqur derisa e ka bërë këtë”, ishin vetëm disa prej mijëra komenteve në adresë të saj.
Mirëpo, jo të gjithë kishin mendim pozitiv për këtë, pasi disa nga ndjekësit e saj kanë deklaruar se ajo që tatuazhi i saj porosit, nuk është e vërtetë, pra se nuk i intereson aq shumë profili i saj, sepse përndryshe nuk do ta bënte fare këtë tatuazh.
“Duket se të intereson më shumë sesa mendon kur e ke bërë këtë tatuazh”, i ka shkruar një fans.
Por Sol atraktive nuk përqendrohet shumë në këto kritika, por ka vazhduar me stilin e saj që të joshë meshkujt në rrjetet sociale, çka pa dyshim se po ecën mjaft mirë. Në të vërtetë, ajo rregullisht në profilin e saj publikon foto tejet të nxehta, ku në plan të parë zakonisht janë vithet e saj superseksi, por edhe pjesët tjera të trupit, me të cilat magjepsen të gjithë. Përveç si prezantuese e motit, ajo merret edhe me modelim dhe atë me sukses, pasi vazhdimisht bën prezantimin e veshjeve intime.
