COVID-i afatgjatë te fëmijët, disa prej tyre vazhdojnë të vuajnë nga shpërqendrimi e lodhja
Georgina u infektua me COVID-19 në tetor të vitit 2020, por ajo ende po vuan nga simptoma të vazhdueshme. Në janar ajo ndaloi së shkuari në shkollë. 15-vjeçarja vijon të ndjekë mësimin online, por vetëm në pak lëndë.
“Ndihesha e përgjumur, dhembjet e kokës riktheheshin edhe më fort, isha e lodhur gjatë të gjithë ditës, ishte e vështirë për mua të ngrihesha nga krevati, nuk përqendrohesha dot, nuk mund të mësoja, mbeta bosh… unë mësoja shumë, merrja rezultatet të mira. Tani nuk mund të mësoj. Nuk mbaj mend informacionin, nuk e di për çfarë flas, nuk di si të lidh konceptet”, thotë 15-vjeçarja e cila vuan pasojat e COVID.
Georgina është një nga 60 pacientët në Spanjë që po trajtohet në njësinë e parë kushtuar fëmijëve që vuajnë për një kohë të gjatë nga COVID. Shumë prej tyre kanë probleme të ngjashme.
“Ajo çka na shqetëson më shumë nga të gjitha janë problemet neurospikologjike. Këta fëmijë kanë vështirësi të ndjekim mësimet në shkollë. Disa nuk mund të shkojnë në shkollë, disa ndjekin mësimet online, por të gjithë hasin vështirësi në përqendrim”, thotë Maria Mendez, mjeke.
Babai i Georgina shprehet se vajza e tij nuk është me e njëjta dhe pyet veten se kur do të shërohet.
“Nga një jetë normale, të mos bësh asgjë. Të mos jesh në gjendje të mësosh, të flesh, të socializohesh, të kryesh aktivitet fizik. Për sa kohë do të vijojë kjo situatë? Kur do të zhduken të gjithë këto simptoma? shprehet babai i 15-vjecares,
Këto janë pyetje për të cilat edhe mjekët ende nuk kanë një përgjigje.
“Quhet COVID afatgjatë, sepse nuk e dimë se për sa kohë do të vijojë. Me kalimin e kohës do të mësojmë se cilat do të jenë pasojat mjekësore. Unë besoj se fëmijët do të shërohen plotësisht. Por ka ende shumë përgjigjet, të cilat ne ende nuk i dimë”, shpjegon Antonia Ensenat, shefja e shërbimit neurpsikologjik në Institutin Guttmann
Ndërkohë, në përpjekje për t’i rikthyer sa më shpejt të jetë e mundur me shëndet të plotë, spitali ofron një trajtim me porosi. Ai përfshin ushtrime fizike dhe të frymëmarrjes dhe ka një fokus të fortë në rehabilitimin neurokognitiv.
Ndërsa fëmijët kanë tendencë të kenë infeksione më të lehta ose nuk shfaqin fare simptoma, mjekët këtu konfirmojnë se ata janë në të njëjtin rrezik me të rriturit që vuajnë nga COVID afatgjatë./Euronews.al
