Studimi i fundit tregon se cilat kafshë mund të infektohen me koronavirus
Macet mund të infektohen me koronavirusin e ri por qentë duket se nuk janë të prekshëm, sipas një studimi të publikuar së fundmi, duke bërë kështu që OBSH të shikojë nga afër transmetimin e virusit midis njerëzve dhe kafshëve shtëpiake, transmeton Gazeta Metro.
Studimi, i publikuar në faqen e internetit të revistës Science, zbuloi se si macet gjithashtu mund të infektohen me SARS-CoV-2, termi shkencor për virusin që shkakton sëmundjen COVID-19.
Qentë, pulat, derrat dhe rosat nuk ka të ngjarë të kapin virusin, megjithatë, zbuluan studiuesit.
Studimi kishte për qëllim të identifikonte se cilat kafshë janë të prekshme nga virusi, në mënyrë që të mund të përdoren për të testuar vaksina eksperimentale për të luftuar pandeminë COVID-19, e cila ka vrarë më shumë se 83,000 njerëz në të gjithë botën që kur u shfaq në Kinë në dhjetor.
SARS-CoV-2 besohet se është përhapur nga lakuriqët te njerëzit. Përveç disa infeksioneve të raportuara në mace dhe qen, nuk ka prova të forta që kafshët shtëpiake mund të jenë bartës.
Një tigër në kopshtin zoologjik Bronx në Neë York City i cili zhvilloi një kollë të thatë dhe humbje të oreksit pas kontaktit me një rojtar të infektuar, testoi pozitiv për koronavirus.
Studimi, bazuar në hulumtimin e kryer në Kinë në janar dhe shkurt, gjeti mace shumë të ndjeshme ndaj virusit kur studiuesit u përpoqën të infektonin kafshët duke futur grimca virale përmes hundës.
Ata gjithashtu gjetën që macet mund të infektojnë njëra-tjetrën përmes pikave të frymëmarrjes. Macet e infektuara kishin virus në gojë, hundë dhe zorrë të vogël. Kotele të ekspozuar ndaj virusit kishin lezione masive në mushkëri, hundë dhe fyt.
