Instituti gjerman parashikon deri kur mund të zgjasë pandemia
Ekspertët në Institutin e Epidemiologjisë “Robert Koch” të martën njoftuan parashikimet se shkalla e vdekshmërisë për njerëzit e infektuar me koronavirus në Gjermani do të rritet.
"Tashmë kemi raste kur epidemia ka goditur shtëpitë e pleqve dhe shtëpitë e infermierisë. Dhe, për fat të keq, ne duhet të llogarisim numrin e vdekjeve", tha Lothar Wieler, drejtor i Institutit “Robert Koch”, të martën, vlerësimet e të cilit mbështeten në qeverinë gjermane, raporton agjencia kroate e lajmeve Hina, transmeton Zeri.info.
Mosha mesatare e vdekjes nga infeksioni koronavirus në Gjermani është 80 vjet. Pacienti më i ri ishte 28 vjeç, që kishte vuajtur nga sëmundje kronike para infeksionit, sipas Institutit “Robert Koch”. Wiehler tha se vetëm rreth Pashkëve do të jetë e mundur të jepen vlerësime më të sakta për gjatësinë e epidemisë në Gjermani.
"Ende mund të duhen javë dhe muaj," tha Wieler, duke u kërkuar autoriteteve të mos heqin masat kundër përhapjes së infeksionit. Shkencëtarët nga Universitetet nëi Mainz dhe Hamburg kanë arritur në përfundimin se pandemia e koronavirusit në Gjermani do të përfundojë vetëm në gusht ose shtator.
"Një pandemi me rreth 1.3 milion njerëz të infektuar në të njëjtën kohë pritet të arrijë kulmin në qershor nëse kufizimet e lëvizjes zgjasin deri në fund të festave të Pashkëve. Sipas këtij modeli, numri i të prekurve duhet të bjerë në zero në gusht ose shtator", tha virologu nga Mainz, Bodo Plachter. Ai beson se numri i të infektuarve në të njëjtën kohë nuk do të ishte shumë më i vogël nëse masat e rrepta të lëvizjes vazhdojnë pas 20 Prillit, kur festat e Pashkëve përfundojnë në Gjermani.
Martin Eichner, një epidemiolog në Universitetin e Tübingen, ka zhvilluar, në bashkëpunim me Zyrën Provinciale të Shëndetit në Baden-Württemberg, një simulim të përhapjes së infeksionit, duke treguar se masat për të parandaluar përhapjen e infeksionit vetëm ngadalësojnë epideminë, por nuk e parandalojnë atë. "Problemi është se nëse ndalojmë infeksionin, askush nuk do të fitojë imunitet. Dhe nga një këndvështrim epidemiologjik, ne e dimë se infeksioni është nën kontroll vetëm kur rreth një e treta e popullsisë është imune", tha Eichner./Zeri
