Infektuar: 101517
Shëruar: 87012
Vdekur: 2072
“Nuk shkoj më në tualet”, burri tmerrohet kur gjen një kobra në WC

“Nuk shkoj më në tualet”, burri tmerrohet kur gjen një kobra në WC

Kuriozitete March 08, 2021 - 19:12

Një burrë nga Kamboxhia u tmerrua kur pa një gjarpër kobra në tualetin e tij.

Ray Sopha fillimisht mendoi se dikush nga familjarët e tij nuk e kishte shkarkuar mirë ujin, por kuptoi shumë shpejt se në të kishte një gjarpër helmues.

Ai e shkarkoi sërish ujin, por kobra nuk u largua, madje nisi të nxjerrë gjuhën dhe kokën në sipërfaqe. Në atë moment, burri doli nga tualeti për të kërkuar ndihmë. Kur u kthye me disa kushërinj, kobra nuk shihej gjëkundi. Edhe pse e kërkuan shumë, ata nuk e gjetën dot më gjarprin.

Sopha tha se që nga 3 marsi, nuk e ka përdorur më atë tualet: “E kam ulur kapakun dhe i kam hequr ujin. Po përdorim tualetin tjetër, aty nuk hyjmë më. Kisha parë gjëra të tilla nëpër filma, por nuk e mendoja kurrë se mund të më ndodhnin mua”./a2cnn