Gjeniu miliarder “Elon Musk” fillon krijimin e “njeriut-kompjuter”

Gjeniu miliarder “Elon Musk” fillon krijimin e “njeriut-kompjuter”

Kuriozitete July 17, 2019 - 22:45
Lexo tjera detaje

Elon Musk, amerikani me prejardhje nga Afrika e Jugut, themelues i kompanisë Tesla, Paypal e shumë tjera ka prezantuar një ccip kompjuterik i cili do të lidhet me trurin e njeriut, shkruan gazeta inFokus.

Kompania neuroteknologjike, Neuralink, e themeluar nga Elon Musk, përmes një njoftimi publik ka prezantuar teknologjinë e cila synon t’iu ndihmojë personat paraplegjikë që t’i kontrollojnë kompjuterët përmes disa impianteve në trurin e tyre, dhe në të ardhmen mund ta përmirësojë në mënyrë të konsiderueshme mënyrën se si njerëzit mendojnë dhe komunikojnë.

Musk gjatë një ngjarjeje në San Francisko ka thënë se ky çip do të ndihmojë në “ruajtjen dhe rritjen e trurit tonë” dhe që “përfundimisht të arrijë një lloj simbioze me inteligjencën artificiale”.

“Pas zgjidhjes së disa sëmundjeve të lidhura me tru, do të krijojë një të ardhme të mirë-rreshtuar”, ka thënë Musk.Gjatë prezantimit, Musk duket se aksidentalisht e ka zbuluar që ky sistem tashmë po testohej në majmunë, që kishin “kontrolluar një kompjuter duke e përdorur trurin e tyre”.

Megjithatë, ka shumë pak detaje që janë dhënë për këtë projekt që kur ishte themeluar më 2016 nga Musk, i cili shpesh kishte aluduar që qëllimi i tij ishte që të ndërtojë një “rang të lartë frekuencash” për të lidhur trurin e njeriut me kompjuter.

Një teknologji nevojitet për njerëzit që të jenë në hap me avancimet e shpejta të inteligjencës artificiale, sipas Musk.

Nëse nuk ndërtohen, Musk beson që njerëzit mund të mbesin aq prapa sa që makinat eventualisht do t’i shohin njerëzit ashtu siç njerëzit i shohin kafshët e tyre shtëpiake.

Kjo kompani e ka krijuar një sistem robotik për të implantuar disa fije në tru dhe shpreson që procedura do të jetë po aq efikase sa operacionet laserike të syve.

Ky çip i vogël lidhet në tru përmes këtyre fijeve që janë më të holla se qimet e njerëzve dhe sytë tanë mezi i shohin.

Ideja e zgjerimit të aftësive njerëzore përmes teknologjisë, që nga disa quhet transnjerëzim, shpesh mbetet vetëm brenda kufijve të fantashkencës, mirëpo Neuralink po planifikon që t’i nisë testimet klinike të kësaj teknologjie hiç më larg se vitin tjetër.