Hapet panairi “Blej shqip” në Prishtinë, Rama: Të mos harrojnë vlerat e traditat
Kultura
November 27, 2022 - 22:47
Është hapur panairi i produkteve tradicionale “Blej shqip” në Prishtinë.
Këtë e ka bërë të ditur kryetari i kryeqytetit, Përparim Rama, përmes një postimi në profilin e tij zyrtar në rrjetin social Facebook.
Ai zbuloi se në këtë panair ka shkuar me fëmijët e vet, të cilët, sipas tij, ishin shumë kureshtarë për të mësuar rreth produkteve tradicionale shqiptare.
Rama tha se është shumë e rëndësishme që gjeneratat e reja të mos i harrojnë vlerat e traditat kombëtare.
Panairi do të mbetet i hapur deri më 29 nëntor në sheshin “Nënë Tereza”.