Mirë se vini në botën e re të artit!
Në Gjermani muzetë dhe galeritë janë kryesisht të mbyllura, siç janë në të gjithë pjesët e mëdha të botës.
Por ekspozitat ende po zhvillohen. Ashtu sikur kjo, një ekspozitë e realitetit të shtuar (AR), e quajtur “Berlin, Berlin i Zmadhuar”.
Kushdo me një smartphone mund të hyjë në ekspozitë, e cila u lansua në bashkëpunim me revistën e modës “Highsnobiety”.
Në të tetë artistë po tregojnë veprat e tyre AR, duke filluar nga këmbët që ecin, vallëzimin e trupave të argjendtë ose një foshnjë e porsalindur.
Një nga artistët është Ruohan Wang.
“Unë e vendos punën time atje. Njerëzit mund ta shohin atë kudo. Në shtëpi ose jashtë. Në vendndodhjen e tyre. Unë mendoj se është mjaft funksionale, veçanërisht për kohën e bllokimit”, thotë ajo.
Ekspozita u nis si pjesë e “Javës së Modës” në Berlin, një ekstravagancë e modës vjetore, që u zhvillua kryesisht në internet këtë vit.
Java e modës përfundoi në fund të janarit, por ekspozita AR mbetet në internet, raporton AP-ja.
Çdokush me një smartphone mund të përdorë thjesht shfletuesin dhe me një klikim të shpejtë të vendosë veprat artistike kudo që ndodhen.
Anika Meier, kuratorja e ekspozitës, thotë se AR është pranuar gjerësisht nga shumica e njerëzve, duke e bërë atë një mënyrë të thjeshtë për të arritur grupe më të mëdha njerëzish me art.
Teknologjia sjell artin nga muzetë dhe kudo ku artdashësi dëshiron ta shohë atë. /Klankosova