Librat shqip, tashmë edhe nëpër shtëpitë e diasporës sonë

Promovimi, si dhe ruajtja e gjuhës dhe kulturës shqipe nëpër botë është meritë e diasporës sonë. Për ta lehtësuar këtë mision tejet të rëndësishëm “Dua marketplace” në bashkëpunim me librarinë “Dukagjini” në Prishtinë po mundësojnë dërgimin e librave shqip kudo në botë.

Kësaj mundësie e këtij vullneti për të pasur dhe për të përhapur librin shqip i janë përgjigjur qysh në ditët e para qindra bashkatdhetarë tonë jashtë, por edhe brenda vendit.

Shumëllojshmëri librash, dërgesa në gjithë botën

Lista e librave që mund të gjinden në “Dua marketplace” po shkon duke u pasuruar çdo ditë. Në fondin e librave nga “Dukagjini” nuk mungojnë titujt e Ismail Kadaresë, të Fatos Arapit, të Ben Blushit, të Ibrahim Kadriut etj. Qëllimi është që raftet e shqiptarëve kudo që janë të mbushur me libra edukativë e arsimorë për kulturën edhe vendin tonë. Mirëpo edhe me libra që kanë vlera të mirëfillta letrare. Për të gjithë të pasionuarit pas leximit në gjuhën amtare ofrohen edhe best seller botërorë, të përkthyer me mjeshtri në gjuhën shqipe. Të gjitha porositë dhe dërgesat bëhen në të gjitha vendet e botës deri në shtëpi. Kështu pa u brengosur dhe pa u ngarkuar libri shqip mbërrin në shtëpinë e çdo libërdashësi.

Përkrahja e diasporës sonë fuqizon kulturën dhe prodhimet vendore

Përkrahja e prodhimeve të vendeve shqipfolëse, si dhe promovimi i kulturës shqipe është një mision që duhet ta çojë përpara secili shqiptar. Për këtë arsye “Dua marketplace” ka vënë në dispozicionin e shqiptarëve kudo që janë libra, piktura, rroba, stoli e shumë produkte të tjera, që prodhohen nga shqiptarët për shqiptarët. E gjitha kjo po bëhet vetëm me një qëllim. Që shqiptarët të ndihen të përfaqësuar dhe krenarë me çdo gjë që vjen nga vendi i tyre. Që ata të kenë mundësi të përkrahin kulturën dhe artizanalet vendore, pa marrë parasysh ku ndodhen në botë. /Zëri