Shpallen zgjedhjet për anëtarë të ASHAK-ut
Kultura
September 01, 2020 - 11:08
Akademia e Shkencave dhe të Arteve të Kosovës (ASHAK) ka shpallë zgjedhjet për anëtarë të rinj.
“Ju njoftojmë se Kryesia e Akademisë së Shkencave dhe të Arteve të Kosovës në mbledhjen e mbajtur më 31 gusht 2020, vendosi të shpallë zgjedhjet për anëtarë të saj, më 1 shtator 2020 dhe miratoi Qarkoren për propozimin e kandidatëve për zgjedhjen e anëtarëve të Akademisë”, thuhet në njoftimin e akademisë.
ASHAK-ja ka thënë se qarkorja do t’u dërgohet të gjitha këshillave të fakulteteve të universiteteve publike dhe këshillave shkencorë të instituteve që financohen nga buxheti i Republikës së Kosovës. /Zëri