Vidhet busti i atë Shtjefën Gjeçovit

Vidhet busti i atë Shtjefën Gjeçovit

Kultura korrik 16, 2019 - 10:09
Lexo më shumë detaje

 

Është vjedhur busti i atë Shtjefën Gjeçovit në fshatin Zllakuqan të Pejës, i cili ishte i vendosur në shkollën që mban të njëjtin emër. Lajmi është bërë i ditur nga drejtuesit e shkollës “Atë Shtjefën Gjeçovi” nëpërmjet rrjetit social “Facebook”. “Të vranë për herë të dytë, hajnat për përfitim … ose kushdo qofshin ata! Nuk vidhet shkolla”, kanë shkruar ata.

Atë Shtjefën Gjeçovi ishte prift françeskan shqiptar, i cili u lind më 12 korrik 1874 në Janjevë të Kosovës, ndërsa u vra në vitin 1929 në fshatin Zym të Hasit. Kryevepra e tij, “Kanuni i Lekë Dukagjinit”, është përmbledhja më e përmendur e ligjit zakonor shqiptar. I kopsitur në 1263 nene, nisi të botohej së pari tek "Albania" e Konicës më 1897-98 [13] dhe më pas në organin e shtypit të françeskanëve që nga dalja e Hyllit më 1913-n gjer më 1924-n. Gjatë lëvizjes së shpeshtë ndër famullitë e veriut prej Kurbinit deri në Rrafshin e Dukagjinit ai mblodhi normativën e rendit dokësor ndër shtresëzimet më të mbrame të këtij të fundit. Shenjat e këtij punimi dukeshin qysh më 1911-n, kur ndikoi fort në botimin "Visaret e Kombit" të sivëllait V. Prennushi. Pa llogaritur artikujt e shumtë “Përralla popullore” (1903), “Doke e zakone vdekjeje” (1907), “Mënyra e jetesës në Malci” (1908), “Doke e zakone dasmash” (1910-1911), “Vaje” në raste vdekjesh (1917-1920). Një pjesë e dorëshkrimeve humbën me vdekjen e tij.