Alicia Keys, moderatore e çmimeve “Grammy 2019”
Alicia Keys do të jetë moderatore e ceremonisë së ndarjes së çmimeve “Grammy” këtë vit. “Unë e di se çfarë ndien kur je në skenë dhe do ta sjell atë energji”, tha fituesja 5 herë e “Grammy”-s në një deklaratë të martën, përcjell "Zëri.info".
“Jam shumë e emocionuar që do të jem prezantuese e ceremonisë në mbrëmjen më të madhe të muzikës, që feston kreativitetin, fuqinë dhe magjinë. Jam veçanërisht e gëzuar për të gjitha gratë e nominuara këtë vit”.
Kjo do të jetë hera e parë që këngëtarja do të prezantojë një shfaqje.
Me më shumë nominime këtë vit janë reperët Kendrick Lamar dhe Drake. Të dy kryesojnë me 8 dhe 7 nominime respektivisht.
Gjithashtu janë të nominuara edhe dy këngëtaret me origjinë shqiptare, Dua Lipa dhe Bebe Rexha.
Çmimet “Grammy Awards” do të jepen në CBS më 10 shkurt. /ZERI