Të shtëna armësh në kufi me Malin e Zi

Kronika korrik 12, 2016 - 18:17

Para një jave nëpërmjet mediave paralajmëruan kapjen e armëve, nëse ratifikohet marrëveshja për demarkacionin me Malin e Zi. Fjala është për banorët e fshatit Haxhaj të Rugovës, i cili kufizohet me Malin e Zi. Ky paralajmërim i tyre, duket se tashmë është bërë realitet.

Veriu.info mëson se sot rreth orës 14:30 dhe të dielën në po këtë kohë, ka pasur të shtëna armësh të në këtë fshat të thellë, i cili kufizohet me Malin e Zi.

LEXO EDHE: Prishtinasi renovon banesën, i gjen katër granata dore (Foto)

“Sot ka pas gjuajtje me armë kah ora 14:30, të kalibrave të ndryshëm. Edhe të dielën në këtë kohë, ka pas gjuajtje me armë dhe kërkush nuk ka reagu deri tash”, thotë T.Q. (emër i njohur për redaksinë) për Veriu.info.

I pyetur se të shtëna a kanë ndodhur në hapësirën e Kosovës apo kanë ardhur nga territori i Malit të Zi, banori thotë se nuk e din.

Ndryshe, marrëveshja për demarkacionin mes Kosovës dhe Malit të Zi, pritet nesër të hyj në rend dite për votim në Kuvendin e Kosovës.