Dorasi është 58-vjeçar, kurse viktima 42, Policia jep detaje për rastin në Stanoc të Vushtrrisë

Policia e rajonit të Mitrovicës ka konfirmuar vrasjen që ka ndodhur në fshatin Stanoc të Vushtrrisë.

Këtë për “Zëri” e konfirmoi zëdhënësi i Policisë, Avni Zahit, i cili u shpreh se rasti raportohet të ketë ndodhur rreth orës 14:56.

Sipas tij, bazuar në hetimet fillestare dyshohet se kryersi i veprës është një 58-vjeçar me inicialet A.M., ka qëlluar për vdekje viktimën femër, 42-vjeçare me iniciale N.H., e më pas i dyshuari ka qëlluar edhe veten.

“Në cilësi të provave materiale në vendin e ngjarjes janë gjetur dhe konfiskuar një armë pistoletë . Me urdhër të Prokurorit, dy trupat e pajetë dërgohen në Institutin e Mjekësisë Ligjore për obduksion.

Hetuesit policorë nën udhëheqjen e prokurorit po vazhdojnë hetimet për veprat penale ‘Vrasje e rëndë’ dhe ‘Vetëvrasje’”, theksoi Zahiti ndër tjera. /Zëri