I plagosuri në “Albi Mall”, në gjendje të rëndë

Një grabitje e armatosur ka ndodhur mëngjesin e sotëm në qendrën tregtare “Albi Mall” në Prishtinë, ku për pasojë një person ka mbetur i plagosur.

Personi që u plagos sot në “Albi Mall” është në gjendje të rëndë shëndetësore.

Kështu ka deklaruar drejtori i Emergjencës, Naser Syla.

Ai tha se viktima është duke u trajtuar dhe janë duke u kryer ekzaminimet e nevojshme që të dërgohet në sallën e operimit.

“Është sjellë një i plagosur me armë zjarri në Qendrën Emergjente, është duke u trajtuar te ne, janë duke u kryer ekzaminimet e nevojshme dhe pritët të intervenohet në sallën e operimit në Qendrën Emergjente nga ekipet e anestezionit dhe Kirurgjisë, gjendje shumë e rëndë e pacientit”, ka thënë Syla.