Policia shpall në kërkim dy gra, dyshohen për vjedhje

Policia e Kosovës ka lëshuar një kërkesë për bashkëpunim në identifikim të dy grave të dyshuara për vjedhje.

Policia ka publikuar edhe fotografi të të dyshuarve, për të cilat ka kërkuar nga qytetarët që mund t’i njohin, të lajmërojnë Policinë.

“Sektori i Hetimeve të Kryeqytetit, me autorizim nga Prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi. Personat e dyshuar kërkohen për përfshirje në një rast ‘Vjedhje’”.

“Të nderuar, për çdo informatë që mund të çojë në identifikimin e personave ose vendndodhjes së tyre, kontaktoni Policinë në numrin e telefonit 192”, thuhet në kërkesën e Policisë. /Zëri