Sërish bastisje në Varagë, konfiskohen pushkë gjuetie
Kronika
December 01, 2024 - 15:29
Përgjatë ditës së sotme, Policia e Kosovës ka kontrolluar kanalin e Ibër-Lepencit në fshatin Varagë.
Po ashtu u kryen edhe bastisje, ku janë konfiskuar tri pushkë gjuetie.
Rastin e ka konfirmuar zëvendësdrejtori i Policisë për veriun, Veton Elshani.
Ai shtoi se nuk ka të arrestuar, ndërsa kontrollet janë kryer së bashku me Njësinë Policore K-9.
“Sot kemi pas kontroll të terrenit përgjatë kanalit në Varagë, po ashtu edhe bastisje. Kemi konfiskuar 3 pushkë gjuetie por nuk kemi të ndaluar apo të arrestuar. Kontrolli i terrenit është kryer me njësinë policore K-9 e po ashtu edhe me njësitet tjera policore dhe tashmë ka përfunduar”, tha Elshani për Klan Kosova.
