Suspendohen gjashtë policë, nuk reaguan për rastin e lyerjes së muralit në Mitrovicën e Veriut
Gjashtë policë janë suspenduar për 72 orë pasi është konstatuar se kanë qenë të stacionuar në afërsi të lokacionit ku persona të panjohur po rilyenin një mural në qendër të Mitrovicës Veriore, por nuk kanë reaguar. 7
Bëhet fjalë për një grafit kushtuar pjesëtarëve të Ushtrisë së Serbisë dhe Malit të Zi nga beteja në Koshare,
Suspendimi është konfirmuar nga Policia e Kosovës për portalin në gjuhën serbe “kossev” transmeton Zeri.info.
Mbishkrimet u pikturuan pas mesnate . Figurat dhe trupat e ushtarëve u mbuluan me bojë të zezë dhe kishte mbetur vetëm mesazhi “Për këtë vend ia vlen të vdesësh”.
Në të njëjtën kohë, në afërsi, gjegjësisht në zonën e këmbësorëve, është lyer një grafit tjetër me mbishkrimin KMF.
Lideri i Demokracisë Serbe, Aleksandar Arsenijeviq, i cili ishte i pari që raportoi për pikturimin e mbishkrimeve, pretendon se kjo është bërë nga persona të fshehur me kapele, njëri prej të cilëve dyshohet se mbante simbolin e Torcidës – grupi i tifozëve të Mitrovicës.
Policia e Kosovës konfirmoi mëngjesin e sotëm për KoSSev se është në dijeni për rastin, ndërsa sonte ka hapur rastin “Vandalizëm”.
Petrit Fejta nga PK-ja e rajonit të Veriut tha se kamerat e vëzhgimit kanë regjistruar grafitin duke u lyer. Megjithatë, ai thekson se për momentin autorët nuk janë të njohur për policinë dhe se hetimet janë duke vazhduar.
Ai gjithashtu konfirmoi se i njëjti grup i ka rilyer të dy muralet.
Fetaj tha se kamera i ka regjistruar edhe policët – me rroba civile edhe me uniforma, të cilët ndodheshin në afërsi, gjatë lyerjes së muralit.
Ai shprehet se këta policë nuk kanë reaguar, pra sipas tyre nuk kanë parë se si po shkatërrohej murali. Si rezultat, gjashtë zyrtarë u pezulluan.
“Ata thonë se nuk e kanë parë, por deri në përfundimin e hetimeve janë pezulluar për 72 orë”, tha Feja për Kossev-in, transmeton Zeri.info.
Feyza ka konfirmuar se për rastin është njoftuar IPK-ja, e cila me gjasë do ta marrë rastin të hënën. /Zëri
