Policia në kërkim të të dyshuarit për tentim vrasjeje, intervistohen nëntë persona
Kronika
August 13, 2024 - 10:25
Policia ka intervistuar edhe nëntë persona të tjerë në lidhje me rastin e djeshëm “Vrasje në tentativë”, ku mbetën të plaguar tre persona (dy femra dhe një mashkull).
Sipas njoftimit të Policisë, ngjarja ka ndodhur të hënën, rreth orës 06:04, në rrugën Prishtinë - Ferizaj, raporton Zeri.info.
“Rr. Prishtinë – Ferizaj, 12.08.2024 – 06:04. Në vendngjarje në cilësi të provave materiale është gjetur dhe konfiskuar një gëzhojë. Lidhur me rastin janë intervistuar nëntë persona. Të lënduarit janë dërguar në trajtim mjekësor në QKUK. Lidhur me rastin është identifikuar një mashkull kosovar, i cili është në kërkim policor”, thuhet në njoftimin e Policisë. /Zëri
