Dalin pamjet, momenti kur gruaja në Fushë-Kosovë goditet pamëshirshëm nga burri

Një grua është plagosur sot në Bresje të Fushë-Kosovës. Ajo është plagosur nga një burrë.

Gazeta Insajderi ka siguruar pamje ekskluzive të rastit. Pamjet janë tronditëse. Gruaja shihet e gjakosur, ndërkohë që burri i saj e godet me armë.

Nuk ndalon, derisa ndërhyn një qytetar, i njëjti pastaj shihet se si e kap dorasin.

Përveç tij, përreth janë parë edhe qytetarë të tjerë, në mesin e tyre edhe një fëmijë.

Rastin e ka konfirmuar zëdhënësja e Policisë, Flora Ahmeti.

Ajo njoftoi se lidhur me rastin është arrestuar një person i dyshuar.

“Sot rreth orës 07:30 Policia ka marrë informatën për një plagosje me armë zjarri të ndodhur në Bresje – Fushë-Kosovë. Personi i plagosur (femër) është dërguar për trajtim mjekësor”, ka thënë ajo.

Ndërkohë shtoi se që hetuesit policorë në koordinim me Prokurorinë po ndërmarrin veprimet hetimore për ndriçimin e plotë të rastit.