Aksident mes tri veturave në Peran të Podujevës, lëndohen tre persona
Kronika
September 03, 2023 - 23:47
Një aksident trafiku ka ndodhur mes tri veturave në fshatin Peran të Podujevës, ku si pasojë tre persona janë lënduar.
Rastin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Sot rreth orës 22:45, kemi pranuar informatën për një aksident trafiku rrugor të ndodhur në fshatin Peran -Podujevë. Në aksident janë përfshirë tri automjete. Bazuar në të dhënat e deritanishme tre persona kanë pësuar lëndime trupore”, ka thënë Ahmeti.
Ajo po ashtu ka bërë të ditur se, njësia rajonale e trafikut po merret me rastin.