Plagosen me armë zjarri nënë e bijë në Fushë-Kosovë, identifikohet i dyshuari

Plagosen me armë zjarri nënë e bijë në Fushë-Kosovë, identifikohet i dyshuari

Kronika January 28, 2023 - 12:32

Dy femra nënë e bijë janë plagosur sot në Fushë-Kosovë, të cilat më pas janë dërguar për trajtim mjekësor.

Zëdhënësja e Policisë për rajonin e Prishtinës ka thënë se rasti në fjalë ka ndodhur sot rreth orës 11:45 në Fushë-Kosovë, raporton Zeri.info.

"Policia ka marrë informatën për një plagosje me armë zjarri të ndodhur në rrugën “Besa Besë” në Fushë-Kosovë. Menjëherë pas marrjes së informatës, policia ka dalë në vendin e ngjarjes  dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen", ka thënë Ahmeti.

Tutje ajo ka shtuar se bazuar në të dhënat fillestare  dyshohet se nga një person i dyshuar, me armë zjarri janë plagosur dy persona (të dyja të gjinisë femërore), të cilat janë dërguar për tretman mjekësor.

"Hetuesit policor në koordinim me prokurorinë, po ndërmarrin  veprimet hetimore për arrestimin e personit të dyshuar ( i cili është identifikuar) si dhe ndriçimin e plotë të rastit” ka thënë Ahmeti. /Zëri