Vetaksident në Prishtinë, lëndohen dy persona
Kronika
September 26, 2022 - 15:07
Një vetaksident ka ndodhur sot në rrugën “Bajram Bahtiri” në Prishtinë.
Policia ka konfirmuar se në këtë vetaksident janë lënduar dy persona, të cilët janë dërguar për trajtim mjekësor.
Zëdhënësja e Policisë për rajonin e Prishtinës, Flora Ahmeti, ka thënë se policia po heton shkaqet e aksidentit, raporton Zeri.info.
“Sot rreth orës 13:00, në rrugën ‘Bajram Bahtiri’ në Prishtinë, ka ndodhur një aksident trafiku, ku është përfshirë një veturë. Si pasojë e aksidentit dy persona kanë pësuar lëndime trupore dhe të njëjtët janë dërguar për trajtimin e nevojshëm mjekësor. Policia ka nisur një hetim për zbardhjen e shkaqeve të këtij vetaksidenti”, tha Ahmeti. /Zëri