Policia në Mitrovicë, aktivitete shtesë për siguri ndaj ngasësve të motoçikletave

Policia në Mitrovicë, aktivitete shtesë për siguri ndaj ngasësve të motoçikletave

Kronika August 05, 2022 - 11:07

Me qëllim të ngritjes së masave të sigurisë në trafikun rrugor, në kuadër të planit operativ “Sezoni veror 2022”, në zonën e përgjegjësisë së Drejtorisë Rajonale të Policisë në Mitrovicën e Jugut, kanë filluar së realizuari aktivitete shtesë për rrezikun dhe pasojat ligjore dhe të sigurisë nga mosbartja e helmetës gjatë ngasjes së motoçikletës.

“Përmes angazhimeve të shtuara policore synohet vetëdijesimi i pjesëmarrësve në trafik e në veçanti i ngasësve të motoçikletave për mbajtjen e helmetës gjatës ngasjes së motoçikletës, ku njëkohësisht ngasësve po u shpërndahen edhe fletushka me moton “Mosbartja e helmetës rrezikon jetë e ngasësit”, thuhet në njoftimin e PK-së, raporton Zeri.info.

Sipas njoftimit të PK-së, thuhet se realizimi i këtyre masave preventive edhe një herë dëshmon përkushtimin e vazhdueshëm të Policisë në parandalim dhe ngritje te masave të sigurisë të pjesëmarrësve në trafik.

“Policia e Kosovës apelon te të gjithë pjesëmarrësit në trafikun rrugor që të kenë kujdes dhe t’u përmbahen rregullave të përcaktuara me Ligjin për sigurinë në trafik”, thuhet në njoftimin e Policisë. /Zëri

Image

Image