Policia jep detaje rreth vdekjes së 17-vjeçarit në Lipjan
Kronika
May 16, 2022 - 08:34
Policia e Kosovës ka dhënë detaje rreth vdekjes së 17-vjeçarit në Divajkë të Lipjanit.
Sipas Policisë, viktima ishte sjellë pa shenja jete në Emergjencë.
“Është sjellë pa shenja jete në Emergjencë mjekësore viktima mashkull kosovar. Vdekjen e viktimës e ka konstatuar ekipi mjekësor. Me urdhër të prokurorit, trupi i pajetë i viktimës është dërguar në IML për autopsi”, thuhet në raport.
Sipas raportimeve, ai ishte duke qëndruar për vizitë të dajat dhe duke u ndihmuar atyre në pyll i është keqësuar gjendja shëndetësore.
Sipas mjekut kujdestar, ai nuk ka pasur shenja dhune, por dyshohet për ndonjë arrest kardiak. /Zëri
