Arrestohet një person në Gjakovë, u kap duke kontrabanduar 9 migrantë të huaj

Njësitet e Drejtorisë Rajonale të Policisë Kufitare në Gjakovë, Stacioni për Mbikëqyrje te Kufirit në Vërmicë gjatë realizimit të Planit Operativ “Migrimi i parregullt” sot me datë 22.09.2021, rreth orës 14:10, gjatë patrullimit kanë ndaluar një automjet me targa vendore .

Policia Kufitare e Kosovës, sot rreth orës 14:10 ka arrestuar një person i cili dyshohet se ka kryer veprën penale “ Kontrabandim me migrantë”. Në njoftimin e policisë bëhet e ditur se gjatë kontrollit të automjetit zyrtarët policorë kanë vërejtur se në automjet ishin disa qytetarë, 5 persona të rritur dhe 4 të mitur, të cilët kanë rezultuar të jenë migrantë, shtetas të huaj.

“Është inicuar rasti ndaj një personi të dyshuar për “ Kontrabandim me migrantë” si dhe janë njoftuar të gjitha njësitet relevante, përfshirë njësinë për migrim dhe të huaj, të cilat kanë dal në vendin e ngjarjes për trajtim dhe procedim të mëtutjeshëm të rastit dhe trajtim të personave të huaj, sipas ligjeve në fuqi për të huajt.Të gjitha veprimet policore janë kryer në konsultim me Prokurorin e Prokurorisë kompetente. Një (1) person i dyshuar, R.F. (1987) shtetas kosovar, është ndaluar për 48 orë me urdhër të Prokurorit të rastit, për procedura të mëtejme ligjore”, thuhet në njoftim. /Zëri