Infektuar: 107497
Shëruar: 104054
Vdekur: 2245
Arrestohen pronarët e dy kompanive në Prizren, dyshohet se falsifikuan dokumente për tenderë me Komunën

Arrestohen pronarët e dy kompanive në Prizren, dyshohet se falsifikuan dokumente për tenderë me Komunën

Kronika April 16, 2021 - 14:40

Pas grumbullimit të informacioneve lidhur me një publikim të rrjetit të organizatave joqeveritare AVONET, Prokuroria Themelore në Prizren ka arrestuar dhe ndaluar pronarët e dy kompanive, NABS dhe CONS ENG.

Në njoftimin e Prokurorisë bëhet e ditur se arsyeja e arrestimit është për shkak se të dyshuarit kanë kryer veprat penale “Falsifikimi i dokumenteve” dhe “Keqpërdorimi e mashtrimi në prokuroim publik”.

Sipas njoftimit, më datën 12 prill rrjeti i organizatave joqeveritare AVONET ka publikuar një deklaratë për media rreth procesit të aktivitetit të prokurimit në Komunën e Prizrenit, ku ata pretendonin se fatura e datës 1 maj 2020 është e dyshimtë, pasi nuk është deklaruar si shitje nga ana e biznesit CONS ENG, si dhe nuk është e regjistruar si blerje nga ana e biznesit NABS.

Lexoni edhe këtë: AVONET: Komuna e Prizrenit lidh kontratë mbi 1 milionëshe me një kompani që ofroi dokumente fiktive

“Më datë 12 prill 2021, Rrejti i Organizatave Joqeveritare ‘AVONET’ ka publikuar një deklaratë për media rreth procesit të aktivitetit të prokurimit ‘Instalimi i ndriçimit publik dhe riparimi i ndriçimit publik ekzistues në Komunën e Prizrenit’, numër të prokurimit 622-20-2058-2-1-1, me titull ‘Komuna e Prizrenit i ka dhënë operatorit ekonomik kontratën në vlerë prej 1,394.853.90 Euro me dokumente fiktive (jo reale)’, ku ata pretendonin se fatura e datë 01.05.2020 me nr. 1052020, e cila faturë ka plotësuar kriterin e kërkuar nga ana e Autoritetit Kontraktues, e njëjta është e dyshimtë pasi që nuk është deklaruar si shitje nga ana e biznesit ‘CONS ENG’ sh.p.k. si dhe nuk është e regjistruar si blerje nga ana e biznesit ‘NABS’ SHPK”, thuhet në njoftim.

Pas publikimit të kësaj deklarate, prokurori i Shtetit, sipas detyrës zyrtare, ka ndërmarrë veprime hetimore për grumbullimin e informacioneve, duke siguruar dosjen e tenderit dhe pas intervistimit të të dyshuarve, të njëjët janë arrestuar dhe ndaluar për 48 orë. /Zëri