Infektuar: 97996
Shëruar: 82064
Vdekur: 1988
Aktakuzë ndaj një personi në Gjakovë që vrau në dhomën e gjumit viktimën, ia plagosi gruan dhe djalin

Aktakuzë ndaj një personi në Gjakovë që vrau në dhomën e gjumit viktimën, ia plagosi gruan dhe djalin

Kronika April 07, 2021 - 12:35

Prokuroria Themelore në Gjakovë, Departamenti për Krime të Rënda, ka ngritur aktakuzë kundër të pandehurit C.I., për shkak të veprave penale “Vrasje e rëndë”, “Vrasje në tentativë”, si dhe “Lëndim i lehtë trupor”.

Në një njoftim për media nga Prokuroria thuhet se sipas aktakuzës, në muajin Korrik të vitit 2020, në fshatin Bardhaniq, komuna e Gjakovës, i pandehuri C.I., me dashje, ka privuar nga jeta N.M., në shtëpinë e tij, ku përderisa tani i ndjeri ishte në dhomën e gjumit, i pandehuri e merr në kuzhinë një thikë e një çekan hekuri, ku e përdorë për ta hapur derën e dhomës, dhe e godet atë me thikë disa herë në kokë dhe në pjesë të tjera të trupit, duke i shkaktuar lëndime vdekjeprurëse.

Me këto veprime i pandehuri ka kryer veprën penale “Vrasje e rëndë”.

Në dhomën e gjumit ishte prezent edhe bashkëshortja e tij, D.M, ku i pandehuri e godet edhe atë me thikë në krahun e majtë dhe në dorën e djathtë. Me këto veprime i pandehuri ka kryer veprën penale “Lëndim i lehtë trupor”. Gjithashtu i njëjti shkon edhe në dhomën tjetër ku ishte prezent djali i viktimës, M.M., duke e goditur disa herë me thikë në pjesë të ndryshme të trupit, duke i shkaktuar lëndime të rënda trupore.

Me këto veprime i pandehur ka kryer veprën penale “Vrasje në tentativë”.

Prokurori i rastit i ka propozuar Gjykatës kompetente, që i pandehuri C.I., të dënohet sipas ligjit për veprat penale të cilat i vihen në barrë.