Grabitet një market nga dy persona në Prishtinë, policia jep detaje
Sonte është grabitur një market në lagjen “Dardania” në Prishtinë.
Policia ka bërë të ditur për “Zërin” se sot rreth orës 18:00, është raportuar për një rast vjedhje të ndodhur në një market në rrugën "Bill Clinton" në Prishtinë .
Dyshohet se vjedhja është kryer nga dy persona të cilët janë në arrati.
“Pas marrjes së informacionit policia ka dalë në vendngjarje dhe bazuar në të dhënat e para janë ngritur dyshimet se vjedhja është kryer nga dy të dyshuar të cilët më pas kanë ikur nga vendi i ngjarjes”, ka thënë zëdhënësja e policisë për rajonin e Prishtinës, Flora Ahmeti.
Ahmeti gjithashtu tha se aktualisht policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit si dhe identifikimin e të dyshuarve./Zëri