Prokuroria nis hetimet për vdekjen e dyshimtë në “Ulpianë”
Kronika
February 26, 2021 - 13:43
Prokuroria Themelore në Prishtinë ka njoftuar se pas pranimit të informatës nga Policia për një zjarr në një shtëpi në rrugën “Musine Kokalari” në lagjen “Ulpiana” në Prishtinë, prokurorja e Departamentit të Krimeve të Rënda ka dalë në vendin e ngjarjes.
“Prokurori i Shtetit, në koordinim me Policinë, janë duke i ndërmarrë të gjitha veprimet e nevojshme hetimore, me qëllim të grumbullimit të informatave dhe provave rreth këtij rasti”, thuhet në njoftim.
Sot Policia e Kosovës ka bërë të ditur se një shtetas i huaj është gjetur i vdekur në shtëpinë e tij në rrethana të dyshimta brenda objektit të përfshirë nga zjarri. /Zëri