Arrestohet në Shqipëri turku i kërkuar nga Interpoli për korrupsion që ishte fshehur në Kosovë

Arrestohet në Shqipëri turku i kërkuar nga Interpoli për korrupsion që ishte fshehur në Kosovë

Kronika January 24, 2021 - 13:40

Një shtetas turk është arrestuar nga policia në Shqipëri pasi ka kaluar kufirin në Morinë nga Kosova për në Shqipëri.

Ai ishte i kërkuar ndërkombëtarisht për korrpupsion nga Turkmekistani, ndërsa jetonte në Kosovë, transmeton Zeri.info.

Policia e Shqipërisë ka bërë të ditur se personi i arrestuar është 59-vjeçari M.Ç, me kombësi turke, banues në Kosovë.

Njoftimi i plotë nga policia:

Vihet në pranga një tjetër shtetas, i shpallur në kërkim ndërkombëtar për veprën penale "Korrupsioni .

Arrestimi provizor i tij u bë në bashkëpunim me Interpol Tiranën, me qëllim ekstradimi drejt Turkmenistanit.

Në hyrje të Pikës së Kalimit Kufitar të Morinës, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, bënë ndalimin e shtetasit turk të shpallur në kërkim ndërkombëtar:

M.Ç, 59 vjeç, me kombësi turke, banues në Kosovë.

Gjatë përpunimit dhe verifikimit të të dhënave në sistem, ky shtetas rezultoi person në kërkim ndërkombëtar Interpol Ashgabat të Turkmenistanit, pasi zyra e Prokurorit të Përgjithshëm të Turkmenistanit, ka lëshuar ndaj tij urdhër-arrestin ndërkombëtar, për veprën penale "Korrupsioni".

Në përfundim të veprimeve hetimore, specialistët e Seksionit për Hetimin e Krimit Ekonomik & Financiar në DVP Kukës bënë arrestimin provizor, me qëllim ekstradimin e tij, mbështetur në “Konventën Evropiane të Ekstradimit” të vitit 1957.