Arrestohen pesë persona, dyshohen se janë përfshirë në një tentim grabitjeje të armatosur në Gjakovë

Arrestohen pesë persona, dyshohen se janë përfshirë në një tentim grabitjeje të armatosur në Gjakovë

Kronika January 19, 2021 - 17:09

Policia e Kosovës ka arritur që t’i arrestojë pesë persona që dyshohen se janë përfshirë në një “tentim grabitjeje”.

Përmes një njoftimi për media nga PK-ja kanë bërë të ditur se rasti ka ndodhur të dielën rreth orës 18:30 në rrugën “Ali Hasi” në Gjakovë, ku është raportuar një rast ‘grabitje e armatosur e mbetur në tentativë’.

“Njësitet patrulluese së bashku me ato të hetuesisë së Stacionit Policor Gjakovë i janë përgjigjur rastit. Mbështetur në ekzaminimin e provave nga vendi i ngjarjes është krijuar dhe ndjekur një pistë e hetimeve”, thuhet në njoftimin e PK-së.

Ndërsa, dje hetuesit policor kanë arritur që të identifikojnë të dyshuarit dhe të arrestojë pesë persona.

“Më, 18.01.2021 hetuesit policorë kanë arritur të identifikojnë të dyshuarit e mundshëm. Në konsultim me prokurorin e shtetit është hartuar një plan operativ dhe sot më, 19.01.2021 është realizuar urdhër kontrolli, ku janë kontrolluar pesë lokacione të ndryshme. Kontrolli ka rezultuar në arrestimin e pesë personave të dyshuar, është konfiskuar arma me të cilën dyshohet se është kryer vepra penale dhe me urdhër të prokurorit të shtetit të njëjtit janë ndaluar për 48 orë. Të arrestuarit që dyshohet të jenë të përfshirë ‘tentim grabitje janë: B.M. d.l. 24.05.1997, mashkull kosovar, Q.G. d.l. 14.11.1997, mashkull kosovar, S. P. d.l. 06.06.1998, mashkull kosovar, B.P. d.l. 24.04.2000, mashkull kosovar dhe F. P d.l. 09.08.2003 , mashkull kosovar”, thuhet më tej në njoftim./Zëri