Infektuar: 55851
Shëruar: 49269
Vdekur: 1410
Dënohen me burg vëllezërit që vranë grabitësin që kishte hyrë për të vjedhur në shtëpinë e tyre në Shtime

Dënohen me burg vëllezërit që vranë grabitësin që kishte hyrë për të vjedhur në shtëpinë e tyre në Shtime

Kronika December 03, 2020 - 16:13

Gjykata Themelore në Ferizaj - Departamentit për Krime të Rënda, shpalli aktgjykim dënues ndaj të pandehurit A.N dhe N.N, të cilët sipas aktakuzës së Prokurorisë Themelore në Ferizaj, akuzohen se në bashkëkryerje kanë kryer veprën penale vrasje në tejkalim të mbrojtjes së nevojshme.

Gjykata Themelore e Ferizajit, ka bërë të ditur përmes një njoftimi, se kryetari i trupit gjykues Mustaf Tahiri, pas mbajtës së shqyrtimit gjyqësor dëgjimit të palëve, administrimit të të gjitha provave, fjalëve përfundimtare, të pandehurit i shpalli fajtor për veprën penale të kryer në bashkëkryerje vrasje në tejkalim të mbrojtjes për të cilën të pandehurit A.N i shqiptoi dënim burgimi në kohëzgjatje prej një viti, ndërsa të pandehurit N.N, dënim burgimi në kohëzgjatje prej dy vjet e tre muaj.

“Të pandehurit akuzohen se më 7 gusht 2019, duke vepruar në tejkalim të mbrojtjes së nevojshme kanë privuar nga jeta tani të ndjerin F.G, i cili paraprakisht me A.T., kishin hyrë të armatosur në shtëpinë e të pandehurve për të kryer grabitje dhe me të vërejtur i pandehuri N.N fillon të përleshet fizikisht me të njëjtit, ku dhe plagoset me armë zjarri në këmbë nga njëri prej tyre, të cilët më pas arrijnë që të largohen nga shtëpia me ç’rast të pandehurit me qëllim të mbrojtjes së pasurisë së tyre, e ndjekin deri në rrugën kryesore, dhe pas diku 300 metra arrijnë ta kapin dhe përsëri përleshën me tani të ndjerin, ku gjatë përleshjes me mjetin që arrin t’ia marrin nga dora tani të ndjerit - thikë, e godasin në pjesë vitale të trupit, ku nga këto goditje F.G mbetet i vdekur në vend”, thuhet në njoftimin e Gjykatës Themelore të Ferizajit./Zëri