Infektuar: 56732
Shëruar: 49982
Vdekur: 1426
Policia arreston të dyshuarin, shtetas i huaj, që tentoi ta grabiste një femër mbrëmë në Prishtinë
Foto: Ilustrim

Policia arreston të dyshuarin, shtetas i huaj, që tentoi ta grabiste një femër mbrëmë në Prishtinë

Kronika November 29, 2020 - 11:14

Policia e Kosovës, mbrëmë rreth orës 21:15, ka pranuar informatën se në rr. “Bill Klinton” në Prishtinë ka ndodhur një tentim grabitje.
 
Njësia kompetente e stacionit policor Jugu në Prishtinë ka dalë në vendin e ngjarjes dhe pas kontaktimit të viktimës f/k (viti i lindjes 1985), janë marrë informatat se; viktima kishte qenë në një barnatore për t’i blerë disa barna dhe duke u kthyer për në banesë ishte sulmuar nga një person, i cili kishte tentuar t’ia marr telefonin dhe qantën e krahut, përderisa ajo ka rezistuar dhe ka kerkuar ndihmë, i dyshuari e kishte shtyer viktimen dhe ka ikur nga aty.
 
"Njësitet policore pas pranimit të informacioneve relevante kanë ndermarr veprime të shpejta operative dhe profesionale duke iu vënë në ndjekje të dyshuarit, dhe të njëjtin kanë arrit ta kapin (arrestojnë) në afërsi të ndertesës së 'Iber Lepenc'. Policia pas arrestimit ka arritur ta identifikojë të dyshuarin e arrestuar mashkull (viti i lindjes1994) me shtetësi të huaj, dhe pas konsultimeve me prokurorin kujdestar, i njëjti është derguar në qendër të mbajtjes për procedura të mëtejme ligjore", ka thënë Policia.
 
Policia e Kosovës thotë se mbetet e përkushtuar në garantimin e rendit dhe sigurisë publike dhe veprime rigoroze ligjore do të ndermerren ndaj të gjithë atyre që bien në kundershtim me ligjet e aplikueshme në vend.