Dyshohet për vetëvrasjen e një 72-vjeçari në shtëpinë e tij në Viti
Në fshatin Kabash të Vitisë, një 72 vjeçar dyshohet se ka kryer vetëvrasje në shtëpinë e tij.
Lajmin për “Zërin”, e ka konfirmuar zëdhënësi i Policisë së Kosovës për rajonin e Gjilanit, Ismet Hashani.
“Me datë 26.10.2020 rreth orës 17:50, Policia e Kosovës në Viti ka pranuar një informatë se në fshatin Kabash komuna Viti dyshohet se një person i moshës shtatëdhjetë e dy (72) vjeç në shtëpinë e tij ka kryer vetëvrasje”, tha Hashani.
Ai tha se patrulla policore së bashku me njësinë e hetimeve dhe krim teknikën kanë dalë në vendin e ngjarjes sikurse edhe ekipet mjekësore, të cilët edhe e kanë konstatuar vdekjen e viktimës.
“Me vendim të prokurorit trupi i pa jetë dërgohet në IML në Prishtinë. Për momentin rasti trajtohet si "Vdekje e dyshimt". Hetimet rreth rastit janë duke i kryer njësitet e hetimeve rajonale në bashkveprim me prokurorin”, tha Hashani. /Zëri
