Gjykata merr vendim për shoferin që shkaktoi aksidentin ku vdiq 19-vjeçari nga Gjilani

Gjykata merr vendim për shoferin që shkaktoi aksidentin ku vdiq 19-vjeçari nga Gjilani

Kronika December 11, 2019 - 15:17
Detajet

Gjykata Themelore e Gjilanit ka marrë vendim për shoferin që shkaktoi aksidentin me fatalitet të 4 korrikut në rrugën Uglarë-Malishevë të Gjilanit.

Gjykata Themelore në Gjilan ka shpall Aktgjykim dënues ndaj të akuzuarit K. Z., duke i shqiptuar dënim prej 4 (katër) vite burgim efektiv.

I akuzuari me datën 04.07.2019, në ora 22:55 minuta, në rrugën Uglarë – Malishevë të Komunës së Gjilanit, duke drejtuar automjetin e tij, ka hyrë në kthesë pa e përshtatur shpejtësinë e ngasjes së automjetit të tij, me shpejtësi 89 km/h, ndërsa shpejtësia e lejuar ka qenë 50 km/h, sipas rregullave të komunikacionit, i cili më pas humb kontrollin mbi drejtimin e automjetit, kalon në shiritin e majtë të rrugës godet veturën e markës Mercedes, të cilën ka qenë duke e drejtuar G. S., i cili pas plagëve të marra nuk ka arritur të mbijetoj, ndërkohë të lënduar kanë mbetur edhe F. S., B. Z., A. Z. dhe Z. Z.