Vdekje e dyshimtë në Ferizaj, viktima gjendet pa shenja jete në banesën e tij
Kronika
December 11, 2019 - 11:29
Detajet
Një vdekje e dyshimtë është raportuar dje në Ferizaj.
Policia e Kosovës përmes raportit 24 orësh ka treguar se rasti është raportuar nga nipi i viktimës, shkruan lajmi.net.
I njëjti kishte njoftuar se axha i tij i cili jeton vetëm nuk është duke e hapur derën, andaj në vendin e ngjarjes kanë dalë njësitë policore dhe zjarrfikësit.
Këto njësite kanë hapur derën me forcë dhe me të hyrë brenda kanë vërejtur se viktima është pa shenja jete.
Vdekjen e viktimës e ka konstatuar mjeku kujdestar.
Me vendim të prokurorit trupi i pa jetë iu është liruar familjarëve për ceremoni mortore.