Nuk i deklaroi paratë në kufi, të riut i sekuestrohen 57 mijë euro në makinë

Nuk i deklaroi paratë në kufi, të riut i sekuestrohen 57 mijë euro në makinë

Kronika December 05, 2019 - 17:12
Detaje

Një 29-vjeçar është vënë në pranga nga policia kufitare e Vlorës, pasi konstatoi se nuk kishte deklaruar paratë në kufi.

Në njoftim bëhet e ditur se shtetasit E. P., 29 vjeç i janë sekuestruar 57 mijë euro.

Njoftimi i Policisë:

Policia Kufitare e Vlorës parandalon një rast të tentativës për transfertë të parave në mënyrë të paligjshme.

Sekuestrohen 57000 euro dhe procedohet penalisht poseduesi i tyre, pasi nuk i deklaroi në kufi.

Në Pikën e Kalimit Kufitar Vlorë, shërbimet e Policisë Kufitare, në bashkëpunim me Drejtorinë e Doganës Vlorë dhe DVP Vlorë, pas kontrollit në vijën e dytë të një automjeti me targë gjermane kanë konstatuar të fshehura në brendësi të mjetit dy pako të mbështjella, brenda të cilave kishte një sasi eurosh të padeklaruara në kufi.

Nga verifikimet e mëtejshme rezultoi se në automjet ishin fshehur rreth 57000 euro.

Drejtuesi i mjetit, shtetasi E. P., 29 vjeç, banues në Kukës është shoqëruar drejt Drejtorisë Vendore të Policisë Vlorë dhe në përfundim të veprimeve u procedua penalisht në gjendje të lirë, për veprën penale “Mosdeklarimi në kufi i të hollave dhe sendeve me vlerë”.