Ky është ‘spiuni’ shqiptar që u arrestua nga BIA në Serbi

Ky është ‘spiuni’ shqiptar që u arrestua nga BIA në Serbi

Kronika nëntor 22, 2019 - 16:18
Detajet

Gazeta Metro ka siguruar edhe videon ku shihet Shefqet Demirovsk i duke i dhënë mbi 30 mijë euro inxhinierit të pensionuar serb me emrin Borivoje Glisovic.
Bashkë me Demirovskin, në aksionin e përbashkët të shërbimit sekret serb (BIA), atij ushtarak (VBA) dhe Ministrisë së Punëve të Brendshme (MUP) është arrestuar 3 serbë të tjerë.

“Janë arrestuar edhe tre punëtorë të fabrikës ‘Prvi Partizan’ nga Uzhica, si dhe Sh. D, shtetas i Maqedonisë së Veriut dhe pronar i firmës ‘Ars Group’ nga Shkupi për keqpërdorim dhe ryshfet. Janë arrestuar ish inxhinieri i ‘Prvi Partizan’ B. G nga Uzhica, N. I nga Pozhega, konstruktor në Repartin për vegla dhe makina në fabrikën ‘Prvi Partizan’ dhe M.M Të dyshuarit janë arrestuar dhe u është shqiptuar paraburgim prej 48 orëve, të cilët më pastaj do të dalin para Prokurorit publik. Ata akuzohen për vepër penale shitje të projekteve dhe dokumenteve tjera që ju takojnë fabrikës ‘Prvi Partizan’ që kanë të bëjnë me prodhimin e armëve dhe municionit”, thonë nga Prokuroria publike e Serbisë, transmeton Gazeta Metro.

Image

Ndryshe Shefqet Demirovski ka hapur në korrik të këtij viti fabrikën e parë në Vizbeg të Shkupit për prodhimin e jelekëve dhe helmetave mbrojtëse për policinë dhe për ushtrinë, në pjesën e mbrojtjes balistike dhe sigurisë.

Kujtojmë se për këtë rast ka folur mbrëmë edhe presidenti i Serbisë, Aleksandar Vucic, ku deklaroi se kanë kapur para 10 dite një ‘spiun shqiptar duke vjedhur dokumente të armëve serbe’

E gjithë kjo tingëllon si provë e Vucicit për të relativizuar skandalin me publikimin e rekrutimit të spiunëve serbë nga rusët në Beograd.

Kujtojmë se biznesmeni nga Maqedonia po cilësohet si shqiptar dhe po quhet si spiun nga Vucic dhe Prokuroria e Serbisë, ai merret me prodhimin e disa lloje të armëve.