E dhimbshme: Vdes punëtori nga Obiliqi, kapaku i cisternës së betonit ia mori jetën

E dhimbshme: Vdes punëtori nga Obiliqi, kapaku i cisternës së betonit ia mori jetën

Kronika nëntor 06, 2019 - 12:04
Lexoni detajet

Një ngjarje e dhimbshme ka ndodhur dje gjatë ditës në qytetin e Obiliqit. Aty një punëtorë i një kompanie derisa ishte në vendin e tij të punës, ishte lënduar, i cili vdiq më vonë nga plagët e marra.

Personi mashkull, identiteti e as mosha e të cilit ende nuk janë bërë të ditura, dje rreth orës 13:30 kishte tentuar që ta hapte kapakun e cisternës së betonit. Mirëpo nga presioni i madh i ajrit është hapur kapaku i cisternës duke e goditur kështu viktimën dhe duke i shkaktuar lëndime të rënda trupore.

I ndjeri, ishte dërguar në QKUK, aty edhe ku ka ndërruar jetë.

Policia ka shkuar në vendin e ngjarjes, ku edhe e ka arrestuar përgjegjësin e kompanisë.

Trupi i pajetë i viktimës është dërguar në Institutin e Mjekësisë Ligjore për obduksion.

Versionin për gjithë këtë ngjarje e ka dhënë edhe policia e Kosovës.

Ky është njoftimi i plotë:

Obiliq 05.11.2019-13:30. Raportohet se viktima mashkull K-Shqiptar, punëtor në një kompani derisa po e hapte kapakun e cisternës së betonit, nga presioni i ajrit është hapur kapaku duke e goditur viktimën dhe si pasojë i ka shkaktuar lëndime trupore.

Viktima është dërguar në QKUK ku më pas edhe ka ndërruar jetë. Me vendim të prokurorit trupi i pajetë i viktimës dërgohet në IML për obduksion, ndërsa përgjegjësi i kompanisë është arrestuar dhe është dërguar në mbajtje.

Lexo edhe Krimi në Pejë: Kosovari e godet qëllimshëm me veturë një egjiptian
Kronika nëntor 06, 2019