Policia jep detaje për vdekjen e të riut nga Dragashi gjatë kalërimit

Policia e Kosovës ka dhënë detaje lidhur me vdekjen e 27 vjeçarit në Opojë, i cili humbi jetën pas një aksidenti derisa po kalëronte.

NPolicia në njoftimin 24 orësh njofton për rastin që ka ndodhur dje pasdite në fshatin Buzez të Dragashit, ku tragjikisht ka humbur jetën një i ri nga ky fshat.

Sipas Policisë, i ndjeri derisa kishte qenë duke e stërvitur një kali ishte rrëzuar duke pësuar lëndime trupore.

“Viktima ishte sjellë pa shenja jete në Qendrën e Mjekësisë Familjare vdekjen e të cilit e ka konstatuar mjeku. Në vendin e ngjarjes kanë dalë njësitë policore, me urdhër të prokurorit trupi i pajetë i viktimës ju lirohet familjarëve”, thuhet në raportin e Policisë.

Ndryshe, rastin për Express e ka konfirmuar mbrëmë edhe kryeprokurori i Prokurorisë Themelore në Prizren, Admir Shala.