Policia tregon detaje për aksidentin tragjik në Pejë

Rreth orës 12:15 në rrugën Pejë-Istog, në dalje të fshatit Vitomiricë, ka ndodhur një aksident trafiku me fatalitet. Nga ky aksident ka vdekur N.R, 63 vjeçar dhe janë lënduar rëndë dy gra. Njëra po trajtohet në spitalin e Pejës e tjetra është dërguar për QKUK, raporton Gazeta Express.

“Në këtë aksident ishin të involvuara dy automjete, një ‘Mercedes’ dhe një ‘VË’, si pasojë e aksidentit një person ka ndërruar jetë në vend të ngjarjes sipas ekipit mjekësor i cili ka  konfirmuar vdekjen e viktimës, N.R. m/k/sh rreth 63 vjeçar, ndërsa dy persona (femra) janë të lënduara, njëra nga të lënduarat për shkak të lëndimeve të rënda është dërguar ne QKUK për trajtim të mëtutjeshëm ndërsa e lënduara tjetër është duke u trajtuar ne Spitalin Rajonal-Pejë”, tha policia.

Trupi i viktimës është dërguar për obduksion.

“Në vendngjarje kanë dalë Njësitet relevante të Policisë së Kosovës dhe prokurori i shtetit.

Hetuesit e Rajonal për hetimin e aksidenteve janë duke u marrë me rast në koordinim të plotë me prokurorin e shtetit dhe me urdhër të të njëjtit trupi i pajetë i viktimës dërgohet në IML-Prishtinë për obduksion”, tha policia.

Po ashtu gjatë ditës së sotme ka ndodhur edhe një aksident tjetër i rëndë në Duhël të Suharekës. Aty kanë mbetur të vdekur tre të rinj.