Policia e Kosovës arreston dy shtetas të huaj nën dyshimin për falsifikim të parave

Policia e Kosovës ka arrestuar dy shtetas të huaj të cilët dyshohet se tentuan të mashtrojnë pronarët e bizneseve me para të falsifikuara (dollar amerikan’, përcjell “Zëri.Info”.

Sipas njoftimit të Policisë së Kosovës, nga të dyshuarit janë konfiskuar 4910.00 euro, 2484.00 dollar amerikan dhe 440.00 lira turke.

Njoftimi i plotë:

“Policia e Kosovës arreston dy shtetas të huaj nën dyshimin për falsifikim të parave

Me datë 07.12.2018,  Policia e Kosovës ka pranuar një informatën se dy persona të dyshuar (shtetas të huaj) kanë tentuar të mashtrojnë pronarët e bizneseve (dy këmbimoreve) në Prishtinë, duke tentuar të këmbejnë kartëmonedha të euros të dyshuara si të falsifikuara me kartëmonedha të dollarit amerikan.

Gjatë kontrollit që ju është bërë personave të dyshuar, është vërejtur se të njëjtit posedojnë kartëmonedha (valuta nga shtete të ndryshme) tjera e të cilat  dyshohet se edhe ato janë të falsifikuara. Ekzistuar dyshimi i arsyeshëm se të dyshuarit kanë kryer veprën penale "Falsifikim i Parasë" sipas Kodit Penal të Republikës së Kosovës.

Nga të dyshuarit në rast, gjithsej janë konfiskuar përkohësisht 4910.00  euro, 2484.00  dollar amerikan dhe 440.00 lira turke.

Me vendim të prokurorit të dyshuarit dërgohen në mbajtje për procedurë të mëtejme.