Rrah nënën dhe ia prish lokalin, Prokuroria kërkon paraburgim
Kronika
November 30, 2018 - 16:48
Lexo tjera detaje
Prokuroria Themelore në Gjakovë, , ka bërë kërkesë për masën e paraburgimit, në Gjykatën Themelore në Gjakovë, kundër të pandehurit I.J., për shkak të dyshimit të bazuar se kishte përdorur forcën duke e sulmuar nënën e tij J.J., në lokalin e saj. Me këtë ka kryer veprën penale, sulm.
I njëjti me datë e vend të njëjtë, me dashje ka dëmtuar pasurinë e nënës së tij, tani të dëmtuarën J.J.,e cila është edhe pronare në atë lokal ku ka ndodhur rasti. Ai kishte arritur të thyente xhamin e frigoriferit dhe të thyente karriget e lokalit.
Me këtë ka kryer veprën penale, asgjësimi apo dëmtimi i pasurisë.
Prokurori i rastit ndaj të pandehurit I.J.,ka kërkuar masën e paraburgimit në afat prej 30 ditësh.