Një pjesë e raketës ruse ra në atmosferën e Tokës, ESA: Rreziku ishte real

Një pjesë e raketës ruse ra në atmosferën e Tokës, ESA: Rreziku ishte real

Jetë January 06, 2022 - 15:16

Sipas komandës hapësinore amerikane, një pjesë e raketës ruse hyri në atmosferën e Tokës në mënyrë të pakontrolluar.

Autoritetet ruse lëshuan raketën Angara-A5 të hënën, më 27 dhjetor, nga porti hapësinor Plesetsk. Si pjesë e projektit, ata donin të testonin një fazë të re të raketës, të njohur si raketa lëshuese Persei.

Shumica e mbeturinave hapësinore digjen kur rihyjnë në atmosferën e Tokës dhe nuk paraqesin rrezik për njerëzit, por është e mundur që pjesët më të mëdha të shkaktojnë dëme nëse bien në zona të banuara, shkruan cnn.

Komanda hapësinore e SHBA tha të mërkurën se raketa kishte hyrë sërish në atmosferën e Tokës në zonën mbi Paqësorin Jugor, por se do të ishte shumë e vështirë të përcaktohet saktësisht se ku ranë mbeturinat.

Holger Krag, kreu i zyrës së mbetjeve hapësinore të Agjencisë Evropiane të Hapësirës (ESA), tha të mërkurën se një pjesë e një rakete ruse kishte hyrë në atmosferë me një shpejtësi prej 7.5 kilometra në sekondë.

Faza e raketës ruse nuk ishte menduar të hynte në atmosferën e Tokës në këtë mënyrë. “Duhej të shkonte në orbitë dhe të qëndronte atje për mijëra vjet”, tha Krag. /Telegrafi/