Shumë shkaktarë, toka e Kosovës mbetet e papunuar

Në Kosovë po vazhdon rritja e varësisë nga importi i produkteve ushqimore, ndërsa një pjesë e tokës bujqësore mbetet e pashfrytëzuar.

Vetëm gjatë muajit mars, qytetarët kanë blerë produkte në vlerë prej 652 milionë euro, 18% më shumë se vitin e kaluar, ndërsa prodhuesit vendorë kanë realizuar shitje prej 88 milionë euro.

Ekspertët thonë se interesimi për bujqësi është në rënie dhe se fermerët po përballen me sfida të shumta, përfshirë mungesën e punëtorëve dhe pasigurinë në treg.

Sipas tyre, ndarja e parcelave dhe ndërtimet në tokë bujqësore po e përkeqësojnë situatën, duke rrezikuar edhe të ardhmen e sektorit.