Murati në Bruksel: Kosova me rritje ekonomike 3.6%

Ministri në detyrë i Financave, Hekuran Murati, ka marrë pjesë në Dialogun Vjetor Ekonomik dhe Financiar me partnerët rajonalë, i mbajtur në Bruksel, me ftesë të Presidencës së Këshilli i Bashkimit Evropian.

Takimi është zhvilluar në margjinat e mbledhjes së Këshilli për Çështje Ekonomike dhe Financiare, ku morën pjesë ministrat e financave të vendeve anëtare dhe përfaqësues të institucioneve kryesore evropiane.

Gjatë fjalës së tij, Murati theksoi se ekonomia e Kosovës ka shënuar rritje prej 3.6 për qind, pavarësisht sfidave të jashtme, duke e lidhur këtë performancë me qëndrueshmërinë makroekonomike dhe politikat fiskale të përgjegjshme, transmeton Zeri.info.

Ai rikonfirmoi gjithashtu përkushtimin e Qeverisë për zbatimin e reformave në kuadër të Planit të Rritjes, me theks në zhvillimin ekonomik dhe avancimin e integrimit evropian.

Në këtë dialog morën pjesë edhe përfaqësues të Komisioni Evropian dhe Banka Qendrore Evropiane, ndërsa theksi u vendos në koordinimin e politikave ekonomike ndërmjet Bashkimit Evropian dhe partnerëve rajonalë.

Ky forum vlerësohet si një platformë e rëndësishme për forcimin e bashkëpunimit dhe harmonizimin e politikave të Kosovës me standardet e Bashkimit Evropian./Zëri